تمويل المشروع الفلاحي وسيكولوجيا الفلاح المغربي …

قبل ما نبين فين كاين الدعم وطرق التمويل وباش نكون صريح مع ذاتي ومع عزيزي الفلاح ،لازم نتكلم في البداية على سيكولوجيا الفلاح المغربي ،من هذ المنطلق ،اقسم هذ المقال الى محورين 
ونبداو بالشق الثاني من الموضوع ،على اساس المرة القبلة نتكلم على الدعم والتمويل .
اولا ،سيكولوجيا الفلاح المغربي بصفة عامة ،مهتزة ،ومشوشة ،سوا عندو راس المال ،سوا ما عندوش ،المهم الفلاح مبرزط وحاير وعايش على هواجس كبيرة ،خاصة الفلاح لي عندو الارض والماء وكيتفرج ،اما لي عندو لبلاد والماء وراسمال ،تاهو تحت الضغط خايف يستثمر ومشي ليه راس المال ،اذا ،نفسية الفلاح المغربي ،متافقين ماشي حتالهيه ،نظرا لعدة عوامل لي غادي نسميوها بمحيط الفلاح من الدوار والجماعة والاقليم والجهة لي كينتامي ليها الى انه مغربي حر وطني صادق ،
عقل الفلاح كيدور بسرعة ،مشطون ،وخاصو يمشي السوق يجيب اخبار اللكسيبة والخيل والماعز …وخبار لبلادات وخبار الدولة اش دارت معاه ،المهم هو في قاعة الانتظار لي بناها راسو بنفسية مثأثرة بمحيطها ،ماتنساش هنا رافلاح بحالو بحال خوه لي صغر منو ولي كبر منو ،جميعهم في وضعية الضغط .
الفلاح المغربي ،عارف اش باغي وماعارفش في نفس الوقت ،كل فلاح استاذ في فلاحتو ،لكن عوامل اخرى خلاتو مايتيقش في راسو ،
امام هذه العوامل ،اصبح عدنا فلاح مغربي ،عاجز ماديا وفقير معنويا ،كيحس براسو بحدو ،كيحس براسو كيصير على المغرب ،ايضا اصبح عدنا فلاح بلا فلاحة ،اصبح عدنا فلاح معكاز ،واخر خواف ،واخر ماتايقش ،واخر متردد، وموصيبة اصبح عدنا فلاح نقال ،كينقل من جارو ،الا جرب فلاح قبل منو عاد يبدا هو ،اذا فلاح موعول ،ولا يعول عليه ،
هذا الوضع صنع جيش من المواطنين تحت اسم الفلاح والفلاحة كينتاظر الفرص والعروض ديال الدولة غير بالسمع ،خاصة كلمة الدعم والتمويل والمنحة ….المهم ثقافة الريع …وحنا جميع عارفين لمغاربة مع الدعم …
دابا ….نقلبو على عناصر القوة المفروض عن الفلاح المغربي ولي بدات كتابن العلن ،الفلاح المغربي لازم يرجع يتشبع بثقافة الجماعة في الدوار،(يد الله مع الجماعة ،) وجدد العزم والارادة ،ورجع لكلام جدودنا ،…يافتاح يارزاق ،…وتوكلنا على الله.،ولبس لباس التقوى والنية الصادقة لخدمة راسو وخدمة دوارو وجماعتو ….يكون مؤثر في محيط ديالو ماشي مؤثر عليه ، يبدل خبار السوق الاسبوعي بخبار المغرب والتطورات لي كتعرفها بلادنا ،والاوراش المفتوحة لملك البلاد دام له العز والتمكين ،،الفلاح المغربي مطلوب منو كون ولد الوقت ،ويفهم بان مغرب 90 نات ماشي مغرب 2000 نات ،نعم ،وقت اخر هذي ،
بالنسبة الفلاح لي عندو لولاد ومحبس عل كلشي ومانع عليهم التطوير ،لازم يفهم بانه هو الخاسر وبانه الاستثمار في لولاد هو الكنز الحقيقي .فلاح المغربي ما جريش عشرة مع الدولة المغربية ،لي رفعات المستوى ،وفتحات البيبان ،خاصة صاحب الجلالة (فتح افريقيا) …ايضا الدولة وجدات الاطار العام لاي عمل يمكن للفلاح يستافد منو ….
بالعربية تاعرابت باي باي ثقافة الريع تقافة الملتمسات وثقافة الطلبات والدعم والمنحة ،وحلت محلها ثقافة الترافع واالتفاوض والشراكة ،اذا كيما قلت خاص الفلاح المغربي يجري معانا العشرة ،لان البلاد في حركية وخاصو يركب معانا في القطار ،
اذا متافقين بلي كاين اطار عام ،لي هو خيار ديال الامة المغربية مع ملك رائع ….اوراش كبيرة خدامة .تنزيل الدستور ..الجهوية ،..فتح سوق افريقيا …والبرامج القطاعية …وزيد وزيد
بعدما عرفنا راكاين مايدار بهذاك الاطار العام ،وستوعبناه وفهمو معانا الفلاح المغربي ،كيبقى دابا البحث على الاطار الخاص ،
الاطار الخاص هو الجمعيات والتعاونيات والمقولات الصغيرة واالمتوسطة،المغرب الاخضر والمنظمات الدولية والمبادرة الوطنية للتنمية البشرية …….اه،دابا واقيلة دخلنا النقطة الثانية ،الدعم وتمويل المشروع الفلاحي ….وهو موضوع الشق الثاني من هذا المقال بناءا على الاطار العام والخاص ،لنا عودة …يتبع

عبد اللطيف البيضي  وكيل التنمية الاجتماعية  
الكاتب العام جمعية عالم الفلاحة التضامنية القروية
لجهة الدار البيضاء سطات